Inaugurado o Albergue A Granxa de Barreiros en Sarria

O pasado 11 de maio iniciouse a andadura do novo Albergue do Camiño Francés, acto que contou coa presencia da directora de Turismo de Galicia, Nava Castro; a delegada territorial da Xunta en Lugo, Raquel Arias; e coa actuación do músico Germán Arias e coa conferencia do profesor de Historia Medieval da Universidade de Santiago, José Miguel Andrade Cernadas, quen falou sobre a hospitalidade no Camiño de Santiago no período medieval. Nava Castro suliñou que Sarria “é un dos puntos de partida de miles de peregrinos e é ao tempo, vila de inicio e vila de paso dos camiñantes”, e destacou que a oferta de aloxamento pública e privada é a mostra “da gran capacidade de dinamización económica e social das Rutas Xacobeas”. Castro suliñou tamén o requilibrio territorial como un factores que se lle a atribúe ao Camiño de Santiago dende o punto de vista económico.