En Taboada, José Ramos Ledo anunciou que non se presentará á reelección para presidir a agrupación local
A deputada autonómica e voceira do grupo municipal do PP en Monforte, Julia Rodríguez Barrera, anunciou que presentará a súa candidatura á presidencia do Partido Popular de Monforte no congreso local que terá lugar o vindeiro 25 de maio.
JULIA RODRÍGUEZ: “FAREMOS UN PARTIDO NO QUE O EIXO CENTRAL SEXAN OS CIDADÁNS”
Rodríguez explicou que deu este paso “para seguir traballando polo partido e polos veciños e veciñas da cidade do Cabe”, e agradeceu a Dámaso López a labor desenvolvida á fronte do PP local, ó tempo que o animou a seguir colaborando e prestando a súa axuda “para consolidar o proxecto que os populares temos para Monforte”. Neste sentido, Julia Rodríguez declarou que a súa candidatura busca “seguir afianzando o traballo do PP, para estar máis preto dos cidadáns e poder compartir e axudar nas súas inquedanzas e preocupacións. Rodríguez adiantou que “faremos un partido máis forte, no que impere o diálogo e a transparencia, e no que o eixo central sexan os cidadáns”.
TABOADA TERÁ NOVA EXECUTIVA
Pola súa banda, José Jesús Ramos Ledo anunciou a súa intención de non presentarse á reelección como presidente do PP de Taboada no congreso do 29 de xuño, polo que serán os militantes quen escollerán ó novo Comité Executivo local. Tanto o presidente do PP lucense, José Manuel Barreiro, como o secretario xeral da formación, José Manuel Balseiro, agradeceron a Ramos Ledo a súa traxectoria política e o seu desempeño como alcalde de Taboada durante 22 anos.