O IES A Pinguela supera un ano máis as probas de calidade

Logo da auditoría realizada neste centro de ensino, a empresa AENOR renovou o certificado que acredita o sistema de xestión da calidade deste instituto monfortino. Dende a dirección do centro manifestaron a súa satisfacción pola participación nun sistema “que permite a toda a comunidade educativa da nosa comarca confiar en que os procedementos que se están a seguir no centro so nos sinalados pola lexislación, implementando os mecanismos necesarios para acadar día a día a mellora continua”. O equipo directivo do IES A Pinguela expresou asimesmo o seu agradecemento a todo o persoal do centro “polo esforzo que supón manter un sistema como o UNE-EN ISO 9001:2008, polo seu alto grado de dispoñibilidade, colaboración e vocación”.