Quiroga e Monforte de Lemos benefiaranse, entre outros 25 concellos lucenses, de subvencións da Xunta para proxectos de promoción da lingua galega

Un total de 41.534 euros é o investimento destinado pola Consellería de Cultura, Educación e Ordenación Universitaria a través da Secretaría Xeral de Política Lingüística, para o apoio a 11 proxectos presentados por concellos da provincia de Lugo para a promoción da lingua galega nas institucións locais. Estas axudas buscan apoiar aos entes locais a través de catro modalidades: para a creación de novos servizos lingüísticos mediante contratación de persoal técnico especialista en dinamización lingüística en concellos ou en agrupamentos de concellos; mantemento ou reforzo dos servizos lingüísticos xa en funcionamento; e axudar ó desenvolvemento de programas dinamizadores promovidos por entidades locais carentes de servizo lingüístico.