A arte e a artesanía da comarca de Sarria, protagonistas

Nova edición dunha cita cultural que se consolida

O espectacular vestuario en mimbre creado por Lola Tourón, e que presentou á Gala Lucus Moda o pasado mes, forma parte da exposición que pode verse no edificio da Antiga Cárcere de Sarria. EC.

O edificio da Antiga Cárcere acolle ata o 30 de xuño a exposición de Artistas e Artesáns da Comarca de Sarria no Camiño, que este ano chega á súa cuarta edición.

VINTE ARTISTAS

Manuel Rodríguez, Rodim, Antonio Bello, Begoña Yebra, Suso da Balsa, Cecilia Carballo, Lola Tourón, Marysol Vázquez, Verónica Quintela, Xesús Vázquez, Violeta Bernardo, Pedro Quiñoá e Sara Cuiña, entre outros artistas e artesáns da comarca sarriana, amosarán o mellor das súas creacións, nunha exposición que aproveita o paso do Camiño Francés para dar visibilidade á arte da comarca sarriana.

Unha mostra da obra pictórica de Pedro Quiñoá, que volve a asombrar con creacións de gran colorido e imaxinación. EC.

MOSTRA ITINERANTE

O espíritu itinerante desta mostra segue a manterse nesta edición, xa que logo de abrir en Sarria ata o 30 de xuño, viaxará a Portomarín, onde poderá verse do 18 ó 28 de xullo, e en outubro estará aberta no edificio do Centro de Artesanía e Deseño de Lugo (Centrad) durante as festas do San Froilán e ata finais de mes.

Deixa unha resposta

Your email address will not be published.

Nova Anterior

O Parador de Monforte estreou o espazo gastronómico “Enxebres”

Seguinte Nova

A Ribeira Sacra celebrou a II Xornadas de Portas Abertas da Ruta do Viño

Últimas noticias sobre ASOCIACIONISMO

   
A %d blogueros les gusta esto: