Anova denuncia os recortes na atención á drogodependencia

Afectan á UAD de Monforte

As asambleas de Anova do sur de Lugo denunciaron nun comunicado os recortes que a Consellería de Sanidade está a aplicar nos servizos de atención á drogodependencia, e que no sur de Lugo ofrécense a través da UAD (Unidade de Atención á Drogodependencia). Neste sentido, dende Anova anunciaron que presentarán unha moción nos concellos en defensa destes recursos sociosanitarios.

IMPORTANCIA HISTÓRICA DOS SERVIZOS DE ATENCIÓN Á DROGODEPENDENCIA

Na súa comunicación, os responsables das asambleas de Anova do sur de Lugo explicaron o importante papel que o Plan Galicia sobre Drogas desenvolveu dende finais dos anos oitenta, como resposta institucional á necesidade de combater os terribles efectos da drogodependencia. Dende Anova salientaron o efecto de concienciación social que representou a loita de diversos colectivos e do persoal técnico en prevención e servizos asistenciais, ao tempo que se conseguiu crear un clima de rexeitamento ó narcotráfico, co obxectivo de atender dun xeito especializado ás persoas afectadas, e crear redes de apoio ás súas familias, así como canles de reinserción social para os ex toxicómanos. Os responsables de Anova no sur de Lugo lembraron que o Plan Galicia sobre Drogas constituiu unha rede asistencial modélica non só no resto de España senón tamén noutros países. Esta rede conta con 17 centros asistenciais, 8 unidades de día, 3 comunidades terapéuticas e 6 unidades específicas de alcoholismo, cun equipo humano de máis de 350 profesionais, que o pasado ano atenderon a máis de 12.000 persoas drogodependentes. A Unidade de Atención á Drogodependencia (UAD) de Monforte presta o seu servizo á comarca de Lemos e á súa área de influencia, atendendo ó pasado ano a preto de 320 persoas.

RECORTE DUN 20% NA FINANCIACIÓN DA UNIDADE DE MONFORTE

Anova denunciou “a falta de compromiso” da Consellería de Sanidade con estes servizos, ao non desenvolver as ferramentas lexislativas e de coordinación previstas no propio Plan de Atención ás Conductas Adictivas, e ó aplicar “sucesivos recortes” no financiamento dos centros asistenciais e eliminando a financiación dos programas de prevención. Anova estima nun 20% o recorte no financiamento destinado á UAD de Monforte, e que en toda Galicia é dun 15,6% con respecto ás cifras do ano pasado. Anova denuncia que, deste xeito, o servizo “quedará na corda floxa”, e “non se garante a continuidade dos servizos de prevención”.

Deixa unha resposta

Your email address will not be published.

Nova Anterior

AFAMON visitou o Ecomuseo de Arxeriz

Seguinte Nova

Aprender as nosas tradicións musicais

Últimas noticias sobre ASOCIACIONISMO

A %d blogueros les gusta esto: