O pasado 22 de maio, entrou en funcionamento o maior complexo hidroeléctrico de Galicia, que terá unha produción estimada de máis de 1.000 Gwh ó ano, suficiente para atender o consumo medio anual duns 285.000 fogares. O presidente da Xunta de Galicia, Alberto Núñez Feijóo, visitou as instalacións da conca do Sil, en Nogueira de Ramuín, e destacou as “condicións óptimas” que ten Galicia para seguir impulsando as enerxías renovables. O mandatario autonómico propuxo ademais a necesidade dun marco normativo “estable e razoable” que facilite o seu desenvolvemento eficiente.
Cargando ...
