Premio para os clientes do comercio tradicional en Monforte

Iniciativa do CCU e a Federación de Comercio

O presidente da Federación Galega de Comercio, José Mª Seijas, o día da presentación desta iniciativa, acompañado da concelleira Pilar López, e a presidenta do CCU de Monforte, Mª José Seijas. (Foto cedida).

Dinamizar o consumo nas vilas galegas apostando polo comercio tradicional foi o obxectivo da campaña “As compras na túa vila teñen premio”, que está a percorrer oito cidades e vilas de Galicia ata o mes de setembro.

2.000 EUROS EN TARXETAS REGALO

Dende o 20 de maio e ata o último día do mes, os consumidores que mercaron no comercio tradicional de Monforte poideron optar a un premio que se sorteou, de xeito presencial, o día 31 ás 20 horas na carpa instalada na Compañía. A presentación dos tickets de compra durante os días da campaña permitía conseguir boletos para participar neste sorteo, que entregou tres tarxetas regalo de 200 euros e 14 tarxetas regalo de 100 euros.

XORNADA FESTIVA PARA REMATAR A CAMPAÑA

A campaña rematou cunha xornada lúdica con malabaristas, zancudos e pasarrúas durante a mañá do venres 31 de maio, e xa pola tarde ás 18,30 horas tivo lugar o espectáculo de maxia cómica Rey Midas, para continuar ás 19,30 horas coa actuación musical de Broken Peach. Ó remate da actuación, procedeuse ó sorteo das tarxetas regalo.

PROMOCIÓN INSTITUCIONAL

Esta iniciativa, que acada este ano a súa sexta edición, estivo organizada pola Federación Galega de Comercio, en colaboración coas Federacións Provinciais e a Dirección Xeral de Comercio, así como co Centro Comercial Urbano (CCU) de Monforte.

Deixa unha resposta

Your email address will not be published.

Nova Anterior

Fallados os premios Letras Galegas locais en Debuxo e Narrativa de Monforte

Seguinte Nova

Os viños da Ribeira Sacra desembarcan en Noruega

Últimas noticias sobre ASOCIACIONISMO

   
A %d blogueros les gusta esto: