A Xunta pon en marcha un paquete de medidas para incentivar a compra de solo industrial

Feijóo anunciou descontos medios de ata o 20%, e a posibilidade de aluguer con opción a compra

A oferta de solo industrial de Galicia inclúe 2,8 millóns de metros cadrados dispoñibles en 1.000 parcelas distribuidas en 50 parques industriais. EC.

A Xunta de Galicia ven de poñer en marcha un programa de incentivos para ofrecer solo industrial “accesible, máis barato e en mellores condicións de pagamento”, e buscando vías de colaboración con todos os axentes implicados.

MEDIDAS QUE RESPONDE Á MAIOR DEMANDA DE SOLO

Así o anunciou o presidente da Xunta, Alberto Núñez Feijóo, quen destacou que “a pesar do descenso da actividade económica, existe demanda de solo industrial e en 2012 se vendeu maior superficie que en 2011”. O Executivo galego busca así responder a esta demanda, ofrecendo incentivos para os 2,8 millóns de metros cadrados dispoñibles en Galicia e situados en 1.000 parcelas distribuidas en 50 parques industriais.

RESPOSTA Á FALTA DE FINANCIAMENTO

Feijóo explicou a necesidade destas medidas para facer fronte a un dos principais freos á adquisición de solo industrial, que é a falta de financiamento. O mandatario autonómico avanzou que as medidas inclúen descontos medios do 20% na adquisición de parcelas e a posibilidade de aprazar o pagamento ata en 5 anos, de establecer dereitos de superficie por 30 anos e de alugar con opción a compra. Feijóo destacou o interese por implicar aos concellos para que “detecten no seu eido posibles clientes entre as pemes locais e comarcais” e propóndolles que apliquen bonificacións de ata o 90 por cento das taxas e impostos aos compradores e aos que se trasladen desde emprazamentos fóra de ordenamento.

Deixa unha resposta

Your email address will not be published.

Nova Anterior

A Deputación de Lugo, a primeira de Galicia en activar a factura electrónica

Seguinte Nova

Brollón incorpora novas infraestruturas de abastecemento e de ocio nas parroquias

Últimas noticias sobre ECONOMÍA

     
A %d blogueros les gusta esto: