Compostaxe na zona urbana de Monforte

O Concello de Monforte de Lemos ven de integrarse no programa de compostaxe doméstico promovido por Sogama na busca de importantes beneficios económicos e medioambientais. Unha das iniciativas do programa consiste no reparto gratuíto de compostadores á veciñanza interesada neste proxecto, e que na zona urbana de Monforte supuxo a entrega de 45 unidades, unha parte deles aportados por Sogama, e outra adquirida polo Concello. Unha vez que recibiron os compostadores, os veciños participantes recibiron unha charla na Casa Consistorial para coñecer que tipo de restos e materiais se poden depositar nestes recipientes, así como unha serie de consellos básicos para seguir correctamente o proceso de compostaxe. Dende o Concello de Monforte informaron de que foron case 70 as familias e veciños que se apuntaron a esta iniciativa, polo que hai máis de 20 solicitudes en lista de espera para recibir o compostador gratuíto.

Deixa unha resposta

Your email address will not be published.

Nova Anterior

Quiroga aposta polo aforro enerxético coa instalación de paneis solares

Seguinte Nova

Mellora nas ferramentas tecnolóxicas nos xulgados de Monforte e Chantada

Últimas noticias sobre INICIATIVAS

A %d blogueros les gusta esto: