O Deportivo realizará a pretemporada en Monforte

O equipo aloxarase en Augas Santas e entrenarán en A Pinguela

O pasado día 26, a directiva do Real Club Deportivo da Coruña confirmou que o equipo desenvolverá a súa concentración de pretemporada nas terras de Lemos. Os deportivistas permanecerán en Monforte do 15 ó 25 de xullo, realizando os traballos de entrenamento nas instalacións municipais do estadio de A Pinguela. O aloxamento da comitiva deportivista será no Hotel Oca Augas Santas Golf&Resort, no municipio de Pantón. Asimesmo, está confirmado que o Deportivo disputará dous partidos amistosos durante a súa estancia na nosa comarca, en datas aínda por determinar. O primeiro destes partidos será fronte ó Club Lemos. O director da Secretaría Técnica, Ernesto Bello, e o técnico do primeiro equipo, Fernando Vázquez, visitaron o pasado 14 de xuño Monforte invitados pola Concellería de Deportes, para coñecer as instalacións deportivas e hoteleiras. O alcalde, Severino Rodríguez, e o asesor da concellería de Deportes, José Antonio Díaz, encargáronse de mostrarlle o campo de fútbol, a piscina cuberta municipal e o ximnasio, así como as instalacións do Hotel Balneario de Augasantas.

Finalizada a visita, o adestrador deportivista xa manifestara a súa satisfacción coas instalacións deportivas monfortinas, das que dixo que cubrían as súas expectativas, e tamén coas posibilidades que lles ofrecía o aloxamento no Hotel Balneario Augas Santas.

O alcalde destaca a importancia que ten para Monforte e para a Ribeira Sacra o feito de que o Deportivo da Coruña elixise a nosa comarca para facer a pretempada, ó tempo que agradece ó Hotel Oca Golf Balneario de Augas Santas a boa disposición para permitir que este proxecto fose unha realidade. Severino Rodríguez non dubida de que a estancia do Dépor en Monforte representará “un gran beneficio para a Ribeira Sacra, tanto no aspecto económico como no de promoción turística”.

Deixa unha resposta

Your email address will not be published.

Nova Anterior

Chantada acolleu a final da XXX Copa Deputación de Fútbol

Seguinte Nova

O Gimnasio Neka remata a temporada con once novas medallas

Últimas noticias sobre DEPORTES

A %d blogueros les gusta esto: