«Repaso de verán»: novidade dos campamentos municipais de Quiroga

A Área de Educación do Concello de Quiroga ven de ofertar os Campamentos de Verán para nenos e nenas de 3 a 12 anos, que se desenvolverá do 1 de xullo ó 30 de agosto de 10,30 a 13,30 horas. Este ano, inclúe un Repaso de Verán, na que os asistentes realizarán durante unha hora diaria un caderno de vacacións, axeitado ó seu nivel académico, así como actividades interactivas e online. Asimesmo, en días alternos, desenvolveranse obradoiros de manualidades na Casa da Cultura, deportes e xogos no Polideportivo, e actividades como cociña, teatro ou globoflexia. Todos os días haberá natación e xogos acuáticos, que se cambiarán por talleres na Casa da Cultura se fai mal tempo. Aínda que o prazo de inscripción rematou o día 27, os visitantes de vacacións poderán inscribirse cando queiran.