Dende o Concello de Pantón van poñer en marcha as actividades de verán, cun completo programa para todos os gustos. Así, do 1 de xullo ó 30 de setembro, a piscina municipal acollerá os cursiños de natación, que se celebrarán os luns, mércores e venres. Asimesmo, o Campamento de Verán desenvolverase os martes e xoves dende o 15 de xullo ó 29 de agosto. Esta actividade vai destinada ós nenos e nenas do Concello, aínda que se quedan prazas libres poderán anotarse rapaces de fóra. Todos os participantes no Campamento deberán ter cumpridos os 5 anos. Para todos os públicos, a Aula de Informática permanecerá aberta de xeito ininterrumpido de 10 a 20 horas durante os meses de verán.
Asimesmo, dende o Concello informaron de que se están a deseñar unha serie de rutas para as fins de semana, coincidindo coa chegada de visitantes a Pantón. As rutas percorrerán o Miño e o Sil e outras zonas de Pantón, ademais da tradicional saída nocturna a Pena Pombeira para disfrutar da lúa chea.
Cargando ...
