•A vicepresidencia provincial colaborará co Concello no programa “Monforte Deporte Vivo”, co obxectivo de fomentar o deporte e os hábitos de vida saudables

A Área de Deportes da Vicepresidencia da Deputación de Lugo ven de aprobar unha subvención de 50.000 euros para o Concello de Monforte, destinada ó mantemento do programa “Monforte Deporte Vivo”, para fomentar a prática do deporte e xerar hábitos de vida saudables, sobre todo nos máis novos.

DINAMIZACIÓN POLO DEPORTE

Con este apoio, o Concello de Monforte poderá desenvolver iniciativas deportivas como a V Carreira Popular de Monforte, o Campionato Galego de Triatlón de Menores, a Regata Promoción Slalom, a segunda fase do Campionato Galego de Fútbol Alevín Zona Sur e o Campionato Galego de Montaña, e a Subida Terra de Lemos. Ademais da importancia destas celebracións para o fomento da actividade deportiva, o mantemento dun calendario deportivo estable e heteroxéneo contribúe á dinamización social e tamén económica da cidade e da comarca.

DEPORTE TAMÉN NO VERÁN MONFORTINO

Asimesmo, según explicaron os responsables provinciais, o apoio ó programa “Monforte Deporte Vivo” permite ofertar ós monfortinos actividades de ocio e deporte tamén durante os meses de verán. En xullo e agosto, a cidade do Cabe conta cunha ampla programación para todos os gustos, con torneos de volei praia, baloncesto, cursos de tenis, campus de baloncesto, fútbol e voleibol, e campamentos deportivos e infantís.