Os traballos estarán rematados a finais de ano

A finais do pasado mes comezaron as obras de mellora do saneamento na parroquia de Eiré. A Consellería de Medio Ambiente, Territorio e Infraestruturas destinou a estes traballos un orzamento de 335.074,29 euros, que teñen un prazo de execución previsto de seis meses. Según explicaron dende a Consellería, este proxecto vai permitir conectar a depuradora de Eiré co núcleo de O Barrio, dotando a esta zona, que non dispón de rede de saneamento, dunha rede de sumidoiros. No proxecto prevese a execución dunha rede separativa de augas residuais en O Barrio e a realización dun colector xeral que leve as augas residuais á depuradora. Asimesmo, procederase á reposición da rede de abastecemento.

DETALLES DA OBRA DE SANEAMENTO

A obra permitirá dotar dunha rede de colectores de augas residuais á práctica totalidade do núcleo de O Barrio, empregando para elo tubaxes de PVC. O ramal principal vai dende as inmediacións da igrexa parroquial ata a depuradora existente. Nesta rede inclúense máis de medio cento de pozos de rexistro.

ABASTECEMENTO DE AUGA

Polo que respecta á rede de abastecemento de augas, realizarase a reposición da mesma no propio núcleo de O Barrio, para o que está previsto actuar nun treito de un quilómetro de lonxitude. Asimesmo, levarase a cabo unha rede de pluviais, colocando para este fin máis de 20 sumidoiros.