501 asociacións lucenses recibirán 400.000 euros para a organización de actividades culturais

A Área de Cultura da Deputación de Lugo concedeu estas subvencións, destinadas á realización de eventos e actividades culturais anuais organizadas por entidades asociativas e concellos e a sufragar os gastos derivados da mellora de instalacións e equipamentos culturais nas entidades locais. A Xunta de Goberno da Deputación aprobou a mediados de agosto estas achegas. O vicepresidente provincial e responsable da Área de Cultura, o nacionalista Antonio Veiga, lembrou que “Lugo é a provincia galega cun tecido asociativo máis amplo, plural e diverso, en boa medida pola política cultural que estamos a facer desde a Vicepresidencia da Deputación, centrada en potenciar o asociacionismo cultural de base.”