Axudas provinciais para actividades culturais no sur de Lugo

Á Área de Cultura da Deputación de Lugo, dependente de Vicepresidencia, aprobou as subvencións para actividades culturais desta anualidade. Un total de 12.400 euros para nove concellos do sur lucense destínanse a investimentos culturais. Asimesmo, 8.200 euros irán a 6 concellos desta zona para subvencionar equipamentos culturais. Para gastos correntes eventuais en materia de cultura, a Vicepresidencia provincial destina 4.100 euros a catro municipios do sur de Lugo, e 13.400 euros para gastos correntes anuais en materia de cultura en 12 concellos desta mesma área. Ademais, serán 46 as asociacións do sur lucense que recibirán subvencións para realizar actividades de carácter anual; en concreto, 20 pertencen á comarca de Sarria, 14 á de Lemos, 8 á de Chantada e 4 á de Quiroga.O tecido asociativo do sur de Lugo recibirá do organismo provincial axudas para realizar actividades culturais de carácter eventual; serán 14 as asociacións beneficiadas na comarca de Sarria, 9 na de Lemos, 7 na de Quiroga e 6 na de Chantada.