Concellos lucenses levántanse contra a reforma local e a perda de servizos

Monforte e Chantada presentaron mocións

Os municipios lucenses están a levantar a súa voz en contra da reforma da Administración local que está a preparar o Goberno central. Un grupo de alcaldes e concelleiros, entre os que se encontran os alcaldes nacionalistas de Monforte e Ribadeo, Severino Rodríguez e Fernando Suárez, os alcaldes socialistas de A Pastoriza e Pedrafita do Cebreiro, Primitivo Iglesias e José Luis Raposo, o alcalde de Chantada, o independente Manuel Varela, e o concelleiro nacionalista de Chantada, Ildefonso Piñeiro, de Anova, ofreceron o pasado día 6 en Santiago unha rolda de prensa para convocar a todos os alcaldes e concelleiros de Galicia a unha asamblea informativa para trata sobre esta medida do Goberno de Mariano Rajoy e que afectará de xeito moi especial, según os convocantes, ós municipios de menos de 20.00 habitantes. Na nosa provincia, estes cambios afectarían a todos os concellos agás Lugo. Asimesmo, a nivel local, os grupos municipais socialista e nacionalista no Concello de Monforte presentaron unha moción conxunta sobre o rexeitamento a este anteproxecto de lei, e outra sobre a perda de servizos nos concellos. Pola súa banda, en Chantada idénticas mocións foron presentadas e asinadas de xeito conxunto polo Grupo Nacionalista, PSdeG-PSOE e INTA.

“COA EXCUSA DA CRISE, O GOBERNO CENTRAL QUERE REFINANCIAR Á BANCA E DAR OS SERVIZOS PÚBLICOS Á EMPRESA PRIVADA”

Os responsables desta iniciativa xustifican o rexeitamento ó anteproxecto de reforma da Administración local porque suporá unha redución “sustancial” das competencias dos concellos, que pasarán ás Deputacións provinciais. Estes alcaldes e concelleiros entenden que, “coa excusa da crise, o Goberno central quere facer unha profunda reforma da Administración local cun dobre obxectivo”, que sería “refinanciar á banca e introducir a iniciativa privada para cubrir servizos que até agora son públicos”. Deste xeito, os responsables municipais adheridos a esta protesta entenden que o Goberno de Rajoy pretende “cargarse dun plumazo as cotas de liberdade na toma de decisións que aínda nos quedaban nos concellos, avalando así a un sistema financieiro en declive cos cartos de todos e botando as culpas e as cargas na Administración local”.

REPOSICIÓN DOS SERVIZOS PÚBLICOS QUE SE ESTÁN A PERDER NOS CONCELLOS DO SUR DE LUGO

Nas mocións relativas á perda de servizos no sur de Lugo, os responsables desta iniciativa esixen o restablecemento da Área Sanitaria Integrada de Monforte, a recuperación das competencias das delegacións da Axencia Tributaria de Monforte, garantir a actual estrutura xudicial, a reposición de todos os servizos ferroviarios e a garantía de mantemento dos postos de traballo, e a reposición de todos os veterinarios, médicos de Atención Primaria e escolas rurais que foron eliminados nesta zona, entre outros aspectos.

Deixa unha resposta

Your email address will not be published.

Nova Anterior

Cena de ex xogadores do Lemos

Seguinte Nova

Os traballos da artista monfortina Adriana Gómez, no Círculo Saviñao

Últimas noticias sobre ASOCIACIONISMO

A %d blogueros les gusta esto: