O Gimnasio Neka está a preparar o regreso á competición, na que a vindeira cita será o Campionato Vila de Moaña, o 21 de setembro, na categoría cadete. Aínda co debido descanso estival, a mediados de agosto os de Neka participaron nunha exhibición deportiva celebrada en Taboada con motivo das Festas Patronais.
A CANTEIRA DO NEKA
A exhibición contou coa participación tamén do alumnado de taekwondo de Taboada, adestrados por Mateo López, destacado membro da canteira do Gimnasio Neka, cinturón negro 2ºDan, e que comanda un prometedor grupo de quince rapaces deste concello.
COMEZO DE CURSO EN NEKA CON NOVAS ACTIVIDADES
Ademais do taekwondo, no Gimnasio Neka están a poñer en marcha novas actividades, como Gymforma e Fitness Gym, xunto coas habituais de Aerobic, Zúmbale, Boxeo e Danza Oriental, ademais dos diversos servizos dispoñibles na sala de musculación e no completo spa.
