O 14 de setembro, o Círculo Saviñao acolleu o inicio da xira do documental “Asolagados”, dirixido polo chantadino David Vázquez. O filme reflexiona sobra a desaparición baixo as augas do encoro de Belesar dunha parte da historia e da paisaxe das terras de Chantada, O Saviñao, Taboada e Portomarín. Logo da proxección, os asistentes puideron dialogar co director, e no coloquio participaron tamén varios membros do equipo técnico e afectados pola construcción do salto de Belesar. A seguinte proxección tivo lugar no Salón de Actos de Taboada, o pasado día 21, e o equipo de produción xa prepara novos pases do filme noutras vilas. (Fotos cedidas).
