Os nacionalistas de Chantada esixen a nulidade da débeda municipal polo Plan de Pagamento a Provedores

O grupo nacionalista na Corporación local de Chantada presentou unha moción esixindo que o Pleno considere “ilexítimos” os intereses contraídos polo Concello de Chantada co Banco de Santander polo capital de 2.637.536,44 euros prestados no marco do Plano de Pagamento a Provedores 2012 do Ministerio de Facenda “onde se aplican intereses do 5,%, cuns intereses a 10 anos de 842.569 euros, por cartos públicos que esa entidade financieira acadou a intereses inferiores ou iguais ao 1%”. Asimesmo, propón ó Pleno que inste ó Goberno municipal chantadino a “cuantificar e emprender as accións legais necesarias para acadar a nulidade desta débeda ilexítima”. Os nacionalistas argumentan que “a reestructuración da débeda e os finiquitos son prácticas recoñecidas na lexislación internacional”, e que “a ONU recomenda que as lexislacións nacionais contemplen as causas de ilixitimidade da débeda”.