O restaurante Bistró, novo membro da Asociación Amigos da Cociña Galega

Manuel Fernández, chef do restaurante monfortino Manuel Bistró, posa tras recibir o novo distintivo como membro da Asociación de Amigos da Cociña Galega. (Foto cedida).

A prestixiosa Asociación de Amigos da Cociña Galega, presidida polo cociñeiro Pepe Solla, acolleu a dous novos membros nun acto celebrado en Sanxenxo o pasado 9 de setembro. O restaurante monfortino Bistró, comandado polo chef Manuel Fernández, foi un dos dous afortunados establecementos que pasan a integrar a selecta nómina dos máis senlleiros restaurantes galegos. O Bistró de Manuel Fernández, xunto co Restaurante Lúa, de Madrid, veñen a engrosar a lista na que se inclúen o Vilas de Santiago, Casa Solla de Poio, o Cíes de Vigo, ou o Nito de Viveiro. Buques insignia da cociña galega que buscan ir pasando o relevo a xente nova que, baseándose na cociña galega, trata de ir un pouco máis aló. “Que conten contigo para formar parte desta Asociación é un orgullo moi grande”, explica satisfeito Manuel Fernández, chef do restaurante Bistró; “ver como xente que empezou da nada ata chegar a ser a referencia na cociña galega se fixan en ti é unha grande satisfacción”. O chef monfortino e o seu restaurante entran así na carteira dos establecementos máis representativos da cociña galega, dentro e fóra das nosas fronteiras.

Un momento da entrega do distintivo ó cociñeiro monfortino. (Foto cedida).

Deixa unha resposta

Your email address will not be published.

Nova Anterior

O CEIP de San Clodio comeza o curso con “notables melloras”

Seguinte Nova

Os socialistas lucenses critican duramente a política educativa da Xunta

Últimas noticias sobre INICIATIVAS

A %d blogueros les gusta esto: