Preto dunha trintena de casas rurais lucenses, no Outono Gastronómico

Raquel Arias, acompañada da xefa do servizo de Turismo, Paloma Vázquez, na presentación do Outono Gastronómico. GPDTL

Promover a gastronomía galega, dinamizar o turismo rural, desenvolver a oferta complementaria neste segmento e favorecer a desestacionalización neste singular periodo do ano son os obxectivos do 7º Outono Gastronómico, según explicou a delegada territorial da Xunta en Lugo, Raquel Arias. Esta iniciativa de Turismo de Galicia agrupa a 117 casas de turismo rural, das que 29 son lucenses. No sur da nosa provincia, os establecementos incluídos son Casa de Maside, Casa do Canto da Terra, Rectoral de Castillón e Casa dos Muros (Pantón); Casa Caxigueiro e Rectoral de Goián (Sarria); Casa Grande de Rosende e Rectoral de Anllo (Sober); Casa de Láncara (Láncara), A Casa da Cabaza (O Incio), Casa do Romualdo (Taboada), Casa Vilamor (O Saviñao), Casa Caselo (Folgoso do Courel), Pazo do Piñeiro (Chantada) e Casa Grande Ferrería de Rugando (Quiroga).

BONO AGASALLO PARA REGALAR TURISMO

Este ano, o programa inclúe como novidade o Bono Agasallo , co que os usuarios poden reagalar un bono para disfrutar dun Paquete do Outono Gastronómico. Deste xeito, o convidado poderá escoller calquera das casas de turismo rural do programa e decidir a estadía que prefira dentro dos tres meses da campaña. A persoa que regala o bono pode activalo simplemente chamando ao teléfono de Turismo de Galicia, ou a través do correo cir.turgalicia@xunta.es para poder regalar esta experiencia.

OPCIÓNS DO PROGRAMA

O programa Outono Gastronómico ofrece tres opcións. Así, o Menú Outono Gastronómico inclúe dúas opcións en cada casa, cun entrante, primeiro e segundo prato e sobremesa, café ou infusión, viños con D.O. galega e outras bebidas, por 30 euros por persoa.

O segundo paquete permite degustar o Menú Outono Gastronómico e pasar a noite na casa de Turismo Rural elixida, con almorzo incluído, por 110 euros para 2 persoas en cuarto dobre, ou de 70 euros para 1 persoa en cuarto individual.

A terceira fórmula é a Fin de Semana Outono Gastronómico, con 2 menús por persoa, máis aloxamento por 190 euros para 2 persoas en cuarto dobre e 130 euros para 1 persoa en cuarto individual, coa variante da Fin de semana familiar gastronómica, que inclúe ofertas para un e dous nenos ata 14 anos.

Deixa unha resposta

Your email address will not be published.

Nova Anterior

Os socialistas lucenses critican duramente a política educativa da Xunta

Seguinte Nova

40 pequenas empresas e autónomos afondan no potencial das novas tecnoloxías

Últimas noticias sobre ECONOMÍA

     
A %d blogueros les gusta esto: