Programa infantil e para adultos

O Concello de Sarria puxo en marcha as Escolas Deportivas Municipais da tempada 2013-2014, cun amplo programa que integra diversas especialidades, desenvolvidas polos clubs e asociacións deportivas do municipio.

PATINAXE, XIMNASIA RÍTMICA E AERÓBIC

Así, o Club Anca de patinaxe organiza as Escolas de patinaxe os martes, aínda con prazas libres, e o Patinaxe de Competición, martes e xoves, con cheo absoluto na matrícula. O patinaxe artístico ven da man da Asociación Espiral, con cursos de iniciación e perfeccionamento os mércores e venres. Pola súa banda, o Club Xirandela organiza cursos de iniciación, escolar e promoción de ximnasia rítmica os mércores e venres, e de aeróbic os luns, martes e xoves. A Asociación Deportiva Aixa ofrece ximnasia rítmica no Oural os martes, e en Sarria martes, xoves e sábados en diferentes categorías, así como patinaxe no Oural os xoves.

FÚTBOL SALA, FÚTBOL CAMPO E BALONCESTONAS DIVERSAS CATEGORÍAS

Os aficionados ó fútbol sala poderán dirixirse á Peña Españolista, que entrena todas as categorías desde prebenxamín ata xuvenís e feminino ó longo de toda a semana, ou tamén ó Club de Fútbol Sala Os Meigallos, que ofrece cursos de iniciación, e entrenos para benxamíns, alevíns, infantís masculino e feminino, e cadetes. Como ven sendo tradicional, o fútbol campo corre a cargo da Sarriana, con entrenos en todas as categorías, mentres que o C.B. Sarriana segue co seu traballo no baloncesto en todas as categorías.

DEFENSA PERSONAL

En canto á defensa personal, o Club Deperpol organiza clases para nenos e nenas os mércores e venres, e para adultos os mesmos días, mentres que a defensa personal feminina impártese os sábado pola tarde, e a especialidade policial os mércores e sábados.

DEPORTES PARA ADULTOS

Ademais, nos baixos da Casa da Cultura as Escolas Deportivas para adultos ofrecen aeróbic os martes e xoves, e ioga os luns e mércores. As sesións de pilates son de luns a xoves, dous días por semana cada quenda, mentres que os bailes de salón desenvolveranse os venres. No Breogáns terá lugar o curso gratuíto de ximnasia para xubilados, en quendas de luns e mércores, e martes e xoves.

MÚSICA, PINTURA E NARRACIÓN PARA NENOS

Pola súa banda, Meigas e Trasgos, en colaboración co Concello e Arsactus organizan a actividade titulada «Contos pintados con música», destinados ós máis pequenos, para familiarizalos coa linguaxe musical por medio da pintura e dos contos, con sesións de dous sábados ó mes.

OBRADOIROS CULTURAIS PARA ADULTOS

Ademais, o Concello de Sarria organiza para adultos clases, totalmente gratuítas, de reforzo educativo para a ESO, reforzo do inglés básico e técnicas de estudio. Asimesmo, en novembro comezarán as actividades de calceta e ganchillo, iniciación á pintura ó óleo, bordado, e corte e confección.