O conselleiro visitou Pantón e O Saviñao
•Destinaranse á mellora da cuberta do edificio principal •O conselleiro lembrou que a Xunta investiu nestes dous colexios máis de 500.000 euros nos últimos anos
O pasado 11 de outubro, o conselleiro de Cultura, Educación e Ordenación Universitaria, Jesús Vázquez Abad, visitou os colexios de Pantón e O Saviñao, para comprobar o resultado das melloras realizadas nos últimos meses no CEIP Monte Baliño, e anunciar os arranxos na cuberta do edificio principal do CPI Dr. López Suárez, para os que a Xunta destina máis de 144.00 euros.
O conselleiro lembrou que a Xunta destinou nos últimos anos máis de 270.000 euros ó colexio de O Saviñao. Ademais da nova cuberta, no colexio realizáronse xa obras de mellora no pavillón polideportivo, no patio infantil e na cociña. En canto a programas educativos innovadores, este centro conta con 4 aulas Abalar dotadas con 79 ordenadores ultraportátiles e participa neste programa desde o seu primeiro curso de funcionamento.Ademais, o centro conta con seccións bilingües de 3º a 6º de primaria, cunha auxiliar de conversa estadounidense.
