O pasado 1 de outubro, o alumnado do IES Xograr Afonso Gómez, de Sarria, tiveron a ocasión de disfrutar dunha exhibición de judo, desenvolvida por monitores profesionais nas instalacións deste centro sarrián. Os judocas ofreceron unha mostra das diferentes técnicas desta disciplina deportiva de combate, como agarres, proxeccións e inmobilizacións, entre outras, para que o alumnado se familiarizase coas características deste deporte, e así poñer en marcha clases de judo polas tardes. A exhibición realizada no IES Xograr Afonso Gómez de Sarria contou coa participación de Yago Díaz Castillo, medallista internacional e Campión de España.
