•Esta orixinal proposta terá lugar o 24 de outubro ás 21,30 •Lemos Le aglutina ós/ás bibliotecarios/as da Comarca de Lemos, á Asociación de Librerías e a todos/as os vinculados ó mundo da literatura
O colectivo Lemos Le propón para celebrar o Día Internacional da Biblioteca unha singular fórmula, que se desenvolverá na Tapería do Centro do Viño de Monforte o vindeiro 24 de outubro a partir das 21,30 horas.
MENÚ POR CAPÍTULOS
Os participantes poderán degustar, por un prezo de 16 euros, un menú moi literario, que leva por título “¿Onde está o arroz con bogavante? Para iniciarse, haberá que atacar o prólogo, composto por “Dous fríos e un quente”, e xa postos iniciar a lectura do capítulo primeiro “En busca do bogavante polo arroz adiante”, seguir polo capítulo segundo, “O viño caseiro axuda á investigación”, e continuar polo capítulo terceiro, “Rematou doce”. De remate, un inesquecible epílogo de “Café e licores”.
ENTRADAS Á VENDA ATA O DÍA 21
Os interesados poderán retirar as entradas na propia Tapería, na rúa do Comercio, antes do día 21.