Máis de 3.100 visitantes na Torre da Homenaxe de Monforte

Este singular espazo patrimonial e museístico da vila do Cabe rexistrou 3.131 visitantes entre xullo e setembro. A maior afluencia de visitantes foi en agosto, con 1.612 persoas, seguido de xullo con 846, e de setembro, con 673. A partir do 1 de outubro poderá visitarse cun novo horario os sábados, domingos e festivos, de 11 a 13 horas e de 16 a 18,30 horas. A entrada ten un prezo de 1,55 euros por persoa, con descontos especiais para grupos de máis de vinte membros.