•O programa provincial Buxiganga inclúe a Monforte dentro desta iniciativa de formación •As sesións formativas terán lugar os sábados de novembro na Casa da Cultura
O programa Buxiganga, promovido pola Área de Cultura da Vicepresidencia primeira da Deputación de Lugo, inclúe a Monforte no ciclo formativo destinado a actores e actrices. A cidade do Cabe acollerá o curso “Ponte en escena” durante os sábados 9, 16, 23 e 30 de novembro, na Casa da Cultura. O curso estará dirixido por Fina Calleja, integrante de Sarabela Teatro, quen desenvolverá as sesións en torno ó teatro como xogo e como acción, tendo como elementos prioritarios para o traballo dramático o corpo e a voz.
PREZO E HORARIO
O curso terá un prezo de 20 euros, cun prezo especial de 10 euros para os actores e actrices participantes nos circuítos Buxiganga 2013. O horario do curso os días 9, 16 e 23 de novembro será de 10 a 14 horas, e o día 30 de 10 a 14 horas e de 16 a 20 horas.
INSCRICIÓN E PRAZOS
O prazo de inscrición pecharase tres días antes do comezo do curso. As solicitudes aceptaranse por orde de chegada á Oficina de Rexistro da Deputación Provincial de Lugo (San Marcos nº 8, 27001 Lugo). Os interesados presentarán a folla de inscrición que pode descargarse da web www.v1deputacionlugo.org/documentacion.php, ou recollela na Área de Cultura da Deputación, ou solicitala no teléfono 982 260 141. Xunto con este documento entregarase o xustificante bancario do pagamento da taxa. •Máis información: 982 260 141 ruben.culturaedeporte@deputacionlugo.org
