O Concello de A Pobra do Brollón asumirá os custes do copago da medicación dos enfermos crónicos

O alcalde de A Pobra do Brollón, o nacionalista José Luis Maceda, durante un Pleno municipal. Arquivo EC.

O alcalde de A Pobra do Brollón, o nacionalista José Luis Maceda, anunciou que este Concello vai asumir a achega que o Goberno central obriga a realizar ós enfermos crónicos no copago da medicación que precisan polas as súas doenzas. «Ningún veciño da Pobra vai quedar sen medicación por non ter diñeiro para pagala», explicou o rexedor nacionalista, que ven de sumarse ás decisións que, neste sentido, comunicaron os Concellos de Monforte, Riotorto e Ribadeo.

CRÍTICA Á POSTURA DA XUNTA FRONTE Á IMPOSICIÓN DO COPAGO PARA ENFERMOS CRÓNICOS

O rexedor nacionalista de A Pobra criticou que «pagar a medicación dun enfermo de cancro, de SIDA ou de leucemia non é unha cuestión acesoria, como afirmou o vicepresidenta da Xunta, senón que é unha cuestión de primeira orde, e cando se trata de fixar prioridades nós estamos coas persoas”. «Non sabemos como pode haber quen se considere persoa e dé por boas decisións que condenan directamente á morte a homes e mulleres polo simple feito de carecer de diñeiro», denunciou Maceda. O alcalde da Pobra do Brollón sinalou ademais que a Xunta de Galiza pode paralizar a posta en marcha desta resolución do Ministerio de Sanidade, se ben a decisión que anunciou estes días Feijóo é de proceder a aplicar a medida en decembro.

«O COPAGO RESPONDE A RAZÓNS IDEOLÓXICAS»

“Sexa como sexa, a nosa decisión é que ese 10% até un máximo dun 4,20 euros por medicamento que lle correspondería abonar ós particulares cubrirao o Concello regulando os termos desa achega», suliñou Maceda. O rexedor nacionalista precisou que esta medida «responde á vontade de seguir garantindo a universalidade da sanidade». Maceda explicou que poderán acollerse a esta medida todas as persoas que leven residindo máis de seis meses na Pobra do Brollón, e que con independencia da súa renda ou o prezo da medicación poida quedar sen o seu tratamento». «Non teño a máis mínima dúbida que o copago que pretende impor Feijóo non é por razóns técnicas senón ideolóxicas”, explicou o alcalde.

Deixa unha resposta

Your email address will not be published.

Nova Anterior

Os socialistas pedirán nos 15 concellos do Camiño de Inverno que se oficialice a ruta canto antes

Seguinte Nova

A Xunta adxudicou as obras de conexión do Porto Seco coa LU-933

Últimas noticias sobre GALERÍA

   
A %d blogueros les gusta esto: