O Concello de Sarria adica o mes de outubro a desenvolver unha intensa programación de teatro para os máis cativos na Casa da Cultura. Así, o sábado 19 ás 18,00 horas, a compañía Producións Dispersas ven de poñerse en escena a obra “Na procura da canción perdida”. Na tarde do domingo e á mesma hora, Manuel Arias López desenvolveu o espectáculo “Aguí e agora, comedia máxica”.
ESPECTÁCULOS DO SÁBADO 26 E DOMINGO 27 DE OUTUBRO
Xa o sábado 26 de outubro, ás 18 horas, a compañía Os Monicreques de Kukas representarán a obra titulada “Xan Perillán e a maleta máxica”, e o domingo 27 Hermanager Producións porá en escena o espectáculo “Contos ben dispares”.
REMATE O XOVES 31 ÁS 19,00 HORAS
A programación do Mes do Teatro Infantil en Sarria rematará o xoves 31 coa representación, esta vez ás 19,00 horas, da obra “Os divertidos espíritos do Samaín”, a cargo do grupo Barafunda. Dende o Concello de Sarria informaron de que o programa cultural para este trimestre inclúe a novembro como Mes do Teatro para Adultos, con representacións todos os sábados ás 20 horas.