Paso adiante para a construción de vivendas sociais en Sober

Na antiga casa do conserxe do Colexio

A finais do mes pasado, a Xunta autorizou a desafectación da antiga vivenda do conserxe do colexio de Sober así como do espazo que a rodea, zona na que o Concello proxecta edificar vivendas sociais. Con esta resolución, a Xunta desvincula do uso educativo unha área de 2.665 metros cadrados, que forma unha parcela rectangular de 41 metros de fronte e 65 de fondo que linda en parte con outro terreo de propiedade municipal. O Concello de Sober solicitou a desafectación da edificación e da parcela para poder empregalos nos próximos anos como espazo para poñer a disposición dos veciños vivendas de promoción pública. A Consellería de Educación valorou a viabilidade da proposta, confirmando que a vivenda do conserxe non é necesaria para usos educativos, xa que no CEIP Virxe do Carme de Sober non existe esa figura actualmente. Según explicaron dende Educación, polo que respecta ao entorno, esta superficie tampouco é imprescindible para o funcionamento do colexio, xa que é utilizado como aparcamento pero existen outras alternativas para cubrir este servizo. Asimesmo, Educación estima que as dotacións do colexio non se ven afectadas, xa que o centro ten espazos suficientes para o uso escolar.

Deixa unha resposta

Your email address will not be published.

Nova Anterior

A Área de Cultura provincial destina 132.000 a Monforte para desenvolver a súa programación cultural

Seguinte Nova

Cursos formativos para directivos de asociacións veciñais da nosa provincia

Últimas noticias sobre INFRAESTRUCTURAS

A %d blogueros les gusta esto: