Promoción turística das cidades do Eixo Atlántico

Do 3 ó 7 de outubro, e coincidindo coa celebración das festas do San Froilán, Lugo acolleu a feira Expocidades, unha iniciativa do Eixo Atlántico que pretende ser “o escaparate turístico” das cidades integradas neste grupo. Sarria e Monforte participaron nesta mostra, para amosar todo o seu potencial turístico a través da súa etnogastronomía. Nesta feira, as nosas capitais comarcais codeáronse con vilas como A Coruña, Carballo, a eurocidade Chaves-Verín, Guimarães, Lalín, Matosinhos, O Barco, Ourense, Santiago de Compostela e Douro Alliance, entre outras.