15 concellos do sur lucense xa dispoñen de prazas wifi

• En Monforte só se instalaron dous puntos, á espera do permiso de Patrimonio para ubicar o terceiro

Dende calquer dispositivo móbil, pódese acceder a Internet de xeito gratuíto nas prazas wifi de 15 concellos do sur de Lugo. Arquivo EC.

O programa provincial Innova-TE ven de ofrecer novas prestacións ós concellos que decidiron adherirse. A instalación de tres puntos de conexión a Internet wifi nas prazas consistoriais está xa a beneficiar á cidadanía de 15 concellos do sur lucense. Os usuarios poden conectarse sen custe algún á Rede dende calquer dispositivo móbil (un teléfono, PDA ou ordenador portátil), para poder acceder a páxinas web institucionais, correo webmail ou redes sociais. As prazas wifi xa están operativas nos tres concellos da comarca de Chantada, e na de Sarria funcionan en O Incio, Láncara, O Páramo, Paradela, Samos, Sarria e Triacastela. Na comarca de Quiroga están operativas en Ribas do Sil e Quiroga, pero Folgoso rexeitou sumarse ó programa provincial. Esta mesma situación produciuse nos concellos de Bóveda, Pantón, e O Saviñao, a pesares de que, según explicaron os responsables provinciais, este servizo non supuña custe algún para os municipios, e implicaba ademais da funcionalidade wifi nas prazas outras prestacións. Pola súa banda, Monforte, Sober e A Pobra do Brollón xa teñen as prazas wifi operativas, e en Monforte queda por instalar un dos tres puntos de conexión, á espera do permiso de Patrimonio.

Según explicou a deputada de Economía, Recadación e Facenda, Pilar García Porto, esta iniciativa busca facer fronte ó despoboamento do rural a través da implantación das novas tecnoloxías, “defendendo a igualdade de oportunidades dos cidadáns, vivan onde vivan”.•

Deixa unha resposta

Your email address will not be published.

Nova Anterior

A Ribeira Sacra busca apoios para ser Patrimonio da Humanidade

Seguinte Nova

O documental chantadino “Asolagados” chega ó Museo Provincial de Lugo

Últimas noticias sobre INFRAESTRUTURAS

A %d blogueros les gusta esto: