O grupo municipal do PP en Monforte presentou unha moción ó Pleno pedindo o apoio unánime da Corporación a esta candidatura, e instando á Xunta de Galicia para que poña en marcha o procedemento correspondente para a formalización da candidatura. Na moción dos populares monfortinos tamén se inclúe a petición de instar ó Goberno de España para que, elaborada a candidatura, promova dita declaración diante do comité de Patrimonio da Humanidade da UNESCO. Julia Rodríguez afirmou que a Ribeira Sacra é un territorio “digno da maior protección para o noso disfrute, pero tamén para o das xeracións vindeiras”.
