É a primeira vez que se celebra unha macrocata no sur lucense
As instalacións do Balneario de Augas Santas foron a sede elixida pola revista especializada en turismo e hostelería de Galicia HG&T para desenvolver unha nova edición das Catas Transfronteirizas. O pasado 28 de outubro, este evento reuniu ata un cento de viños tintos seleccionados entre as diversas denominacións de orixe españolas e portuguesas, e que na pasada edición tivera lugar na localidade lusa de Porto. Según explicou o director e fundador da publicación organizadora deste evento, Guillermo Campos, é a primeira vez que se realiza unha macro-cata destas características no sur lucense. «Eliximos a Ribeira Sacra como escenario, como recoñecemento ó que representa no segmento dos viños tintos», precisou Campos. O director da publicación suliñou que «tamén escollimos este entorno porque atopamos a disposición e infraestrutura axeitadas para realizar esta iniciativa.
O evento contou con dous paneis de cata, con membros da Asociación Galega de Sumilleres, expertos doutras asociacións profesionalizadas de cata, representantes da D.O.Ribeira Sacra como anfitriona, e consumidores procedentes de diversas asociacións relevantes, e cinco xornalistas portugueses especializados en enoloxía.•
