Comezou a campaña de vacinación contra a gripe

Dende o 21 de outubro e ata o 20 de decembro, o Sergas ten dispoñibles 590.000 doses (560.000 vacinas antigripais e 30.000 antineumocócicas), que se distribuirán en máis de 900 puntos de vacinación. Os responsables do Sergas precisaron que esta campaña conta cun orzamento de 2.276.328 millóns euros, o que supón, según Sanidade, un aforro de 631.564 euros con respecto do pasado exercicio grazas á compra centralizada das vacinas xunto con outras Comunidades. Na presentación da campaña, os responsables do Sergas precisaron que os obxectivos específicos desta actuación son acadar unha cobertura vacinal do 65% entre a poboación maior de 65 anos e, farase un especial fincapé na vacinación do persoal sanitario. Así, entre os traballadores de atención primaria e especializada o obxectivo de cobertura é superior ao 35%, e máis do 65% no persoal que traballa en unidades de risco hospitalarias (como UCI, oncoloxía, urxencias, entre outros).