Crean 13 novas rutas vinculando gastronomía, viño e medioambiente

•Integran a establecementos distinguidos cos selo LugoSabe e Lug02 da Deputación de Lugo •Catro das rutas están no sur lucense

A Deputación de Lugo ven de presentar unha nova iniciativa, integrada por 13 novas rutas turísticas nas que se vinculan a gastronomía, o viño e o medioambiente.

RECURSOS NATURAIS E PRODUTOS AUTÓCTONOS CON 200 EMPRESAS

O obxectivo desta medida é promocionar a riqueza medioambiental da provincia e xerar riqueza coa posta en valor dos recursos naturais e dos produtos autóctonos de calidade, colaborando con 200 empresas de toda a provincia que, grazas a contar cos distintivos LugoSabe e Lug02, son xa referente de servizos e produtos de calidade, así coma de boas prácticas medioambientais. Según informaron os responsables provinciais, esta iniciativa está financiada nun 80% por fondos europeos a través do programa Lug02.

MÁIS POSIBILIDADES DE NEGOCIO A CARÓN DAS NOVAS RUTAS

As 13 novas rutas darán a coñecer os produtos autóctonos propios de cada zona e que destacan pola súa excepcional calidade, así coma os establecementos turísticos que respectan as boas prácticas medioambientais, requisitos esixidos para contar coas marcas Lugo Sabe e Lug02. O obxectivo é que estes 200 establecementos e empresas, ó situarse nos percorridos das novas rutas, poidan ampliar as súas posibilidades de negocio, ó contar ó seu favor coa promoción destas rutas en Internet e redes sociais, por exemplo.

NOVAS RUTAS POR TODA A PROVINCIA

A Deputación adiantou os 13 novos roteiros que tratarán de destacar os produtos autóctonos propios de cada unha das zonas que atravesan, así como a súa riqueza natural e patrimonial. As novas rutas son “A evolución dos portos”; “Descubrindo a faba de Lourenzá”; “Iniciación á espeleoloxía na Cova do Rei Cintolo”; “Atréveste cun raid de aventura”; “Recuperando as variedades de uva tradicionais nos bancais do Sil”; “Percorrendo a pé a Ribeira Sacra”, “Descubrindo o porco celta”; “A mel e os seus beneficios”; “O queixo na Montaña de Lugo”; “A Ulloa, terra de queixos e maruxas”; “Amasando coma antano”; “Quiroga e o seu legado artesanal” e “A mel e os seus beneficios”. •

Deixa unha resposta

Your email address will not be published.

Nova Anterior

O documental chantadino “Asolagados” chega ó Museo Provincial de Lugo

Seguinte Nova

En marcha a Campaña de Outono de ACES-CCU Sarria

Últimas noticias sobre CULTURA

A %d blogueros les gusta esto: