Impulso á Ribeira Sacra con actividades todo o ano

Unificando a oferta turística

A delegada territorial da Xunta, Raquel Arias, presentou en Monforte as iniciativas das Rutas do Viño, co presidente da Denominación de Orixe, José Manuel Rodríguez, e a xerente do Consorcio de Turismo, Alexandra Seara. GPDTL.

A aposta institucional polo desenvolvemento turístico da Ribeira Sacra céntrase na elaboración dunha oferta “diferenciada e desestacionalizada” en torno ó turismo enogastronómico. Este obxectivo está a materializarse nas diversas actividades que se organizan en virtude do acordo entre Turismo de Galicia e a asociación Rutas do Viño da Ribeira Sacra, que inclúen os recén rematados talleres de fotografía de vendima no Centro do Viño de Monforte, ou os diversos itinerarios que realiza o Viñobús ó longo de todo o ano.

O primeiro dos Concertos de Outono da Ribeira Sacra tivo lugar no mosteiro de Santa Cristina de Ribas de Sil. CTRS.

SENDEIRISMO, GASTRONOMÍA E MÚSICA

Asimesmo, o día 26 deste mes tivo lugar unha ruta de sendeirismo pola Ribeira Sacra do Miño, e nestes meses segue a desenvolverse o programa Outono Gastronómico, unha iniciativa a nivel autonómico na que participan once casas de turismo rural das comarcas de Chantada, Lemos e Quiroga. A delegada territorial da Xunta en Lugo, Raquel Arias, subliñou que “coas Rutas do Viño fusionamos todos os recursos e servizos turísticos de interese da zona nun só produto, conseguindo a promoción e comercialización conxunta de toda a zona dunha forma integral”. Estas iniciativas inclúen a celebración dos Concertos de Outono, o primeiro dos cales tivo lugar no Mosteiro de Santa Cristina en Parada de Sil. A próxima cita será o 2 de novembro na igrexa de Santo Estevo de Ribas de Miño.•

 

Deixa unha resposta

Your email address will not be published.

Nova Anterior

Seguen os apoios á candidatura da Ribeira Sacra como Patrimonio da Humanidade

Seguinte Nova

Comezou a campaña de vacinación contra a gripe

Últimas noticias sobre ASOCIACIONISMO

   
A %d blogueros les gusta esto: