Infraestruturas, a aposta lucense dos Orzamentos 2014

• O investimento por habitante na provincia de Lugo será de 728 euros, case o dobre que nas provincias atlánticas •A VAP Sarria-Monforte e a conexión do Porto Seco contan cunha partida para 2014, así como a mellora do entorno fluvial urbano de Sarria

A conselleira de Facenda, Elena Muñoz, na entrega do proxecto de Lei de Orzamentos de Galicia para 2014, diante da presidenta do Parlamento de Galicia, Pilar Rojo. GPCP.

• O pasado 19 de outubro, a conselleira de Facenda, Elena Muñoz, presentaba o proxecto de Lei de Orzamentos de Galicia para 2014, suliñando que o obxectivo destas contas é fortalecer o reequilibrio territorial entre as distintas provincias galegas. Según a responsable de Facenda, o investimento por habitante nas provincias interiores será case un 50% superior ás provincias atlánticas. A suma dos investimentos da Xunta e entes dependentes no próximo exercicio supón que o gasto por habitante será en 2014 de 728 euros na provincia de Lugo e de 704 na de Ourense, mentres que á de Pontevedra se destinará 484 euros e á de A Coruña 478. Deste xeito, a provincia de A Coruña terá unha dotación global de 543,4 millóns de euros; a de Pontevedra, de 461,9; a de Lugo de 251,5; e a de Ourense, de 229,6 millóns de euros.

“ORZAMENTOS REALISTAS E BASEADOS NO RIGOR E A RESPONSABILIDADE”

En términos globais, Elena Muñoz explicou que o 78% do gasto para o vindeiro ano irá destinado a sanidade, educación e servizos sociais, o que supón, según a conselleira, case 10 puntos máis de peso en comparación co ano 2009, o que as convirte nas contas “máis sociais da historia da Autonomía”. A responsable autonómica de Facenda suliñou que as de 2014 son unhas contas “realistas e baseadas no rigor e na responsabilidade”.

LUGO, A SEGUNDA PROVINCIA CON MÁIS INVESTIMENTO EN INFRAESTRUTURAS POR HABITANTE

Respecto á nosa provincia, a Consellería de Medio Ambiente, Territorio e Infraestruturas dispón para o vindeiro exercicio un investimento de 165 euros por cada lucense, o que supón a segunda provincia con mais investimento per cápita en materia de infraestruturas, cunha partida de case 58 millóns de euros. Das partidas para o 2014 destacan as reservadas ás infraestruturas viarias, urbanas e hidráulicas que suman un total de 49,4 millóns de euros, o que implica un 85% do investimento global. En canto ás infraestruturas viarias, a Xunta de Galicia, a través da Axencia Galega de Infraestruras destina 11,78 millóns de euros á conservación de estradas. O segundo investimento por volume neste apartado está destinado á Vía de Altas Prestacións Sarria-Monforte, con 7,97 millóns de euros, 2,6 millóns máis que no ano pasado. Asimesmo, o plan de mellora da seguridade vial contará con 4,49 millóns de euros. Á conexión do Porto Seco de Monforte destínase 3,5 millóns de euros das contas da Dirección Xeral de Mobilidade.

PARTIDA PARA A MELLORA DO ENTORNO FLUVIAL URBANO DE SARRIA

No apartado referido ás infraestruturas hidráulicas, a Consellería de Medio Ambiente, Territorio e Infraestruturas, a través de Augas de Galicia, reserva dúas importantes partidas para o sur de Lugo. Por unha banda, destínanse 0,68 millóns de euros á adecuación do cauce e ordenación das marxes dos ríos Sarria e Celeiro, na vila de Sarria, no marco dun convenio entre a Confederación Hidrográfica Miño-Sil, Augas de Galicia e o Concello de Sarria. Por outra banda, os Orzamentos da Xunta destinan 0,33 millóns de euros a actuacións de saneamento en Pantón.

CASE 9 MILLÓNS DE EUROS EN ORDENACIÓN DO TERRITORIO PARA A PROVINCIA DE LUGO

A nivel provincial, o departamento de Urbanismo do Goberno autonómico consignou os fondos económicos para seguir apoiando a redacción e aprobación de plans xerais de ordenación municipal na provincia de Lugo, así como a execución de actuacións que melloren os contornos urbanos e os espazos públicos dos concellos lucenses, co ánimo de conservar e mellorar os hábitats e puntos de encontro dos veciños. Ao longo de 2014, este departamento xestionará case 9 millóns de euros para as liñas de actuación en materia de ordenación do territorio e urbanismo.

CREACIÓN E DOTACIÓN DO CENTRO DE INTERPRETACIÓN DO COUREL

En relación cos investimentos destinados á mellora e conservación do medio ambiente, a Xunta de Galicia mobilizará máis de 1,5 millóns de euros para o desenvolvemento de melloras de avaliación ambiental, como os puntos limpos, e de conservación da natureza. Neste último apartado destaca o investimento que se reserva ás zonas de Rede Natura da provincia de Lugo, ás que se dedican case 70.000 para as axudas a concellos inscritos dentro desta demarcación e para a creación e dotación do Centro de Interpretación do Courel.

 

 

Deixa unha resposta

Your email address will not be published.

Nova Anterior

Completada unha fase do Plan de Aglomerado na comarca de Lemos

Seguinte Nova

Gran rivalidade e emoción nunha competidísima Ryder Cup 2013

Últimas noticias sobre ECONOMÍA

   
A %d blogueros les gusta esto: