A Xunta de Galicia comezou a mediados deste mes as obras de mellora dun tramo de 4,26 quilómetros da estrada LU-642 entre Oural e Ferreiría do Incio, O trazado afectado por esta actuación discorre entre o núcleos de Goo e a intersección da estrada coa LU-641 en Xirgueiros.
A XUNTA INVISTE NESTAS OBRAS 187.000 EUROS
A Consellería de Medio Ambiente, Territorio e Infraestruturas destina un total de 187.000 euros para estes traballos, que estarán rematados a finais do mes de novembro.
CARACTERÍSTICAS DOS TRABALLOS NESTA ESTRADA
As actuacións neste tramo comezaron coa limpeza de cunetas e traballos previos á mellora do firme. A continuación, os traballos céntranse no estendido dunha capa de cinco centímetros de formigón bituminoso en quente, en capa de rodaxe, un material que presenta unha elevada capacidade resistente, e excelentes características de adherencia do neumático.
SINALIZACIÓN HORIZONTAL
Según explicaron os responsables autonómicos, estes traballos de reforzo do firme na estrada LU-642 complementaranse coa execución do reperfilado de cunetas e a sinalización horizontal.
CORTES PUNTUAIS DE TRÁFICO POLAS OBRAS
Os responsables destes traballos avisaron previamente dos posibles cortes de tráfico que ó longo da última semana de outubro poderían realizarse no tramo obxecto das obras, polo que se recomendou utilizar como alternativa a estrada provincial LU-P-5711no caso de ter que realizar o tramo completo entre Oural e Cruz do Incio.
GARANTIR A VIALIDADE NESTA ESTRADA CARA Ó INVERNO
Durante o anuncio destas obras, a delegada territorial da Xunta en Lugo, Raquel Arias, explicou que o obxectivo deste arranxo céntrase en “mellorar a plataforma da vía e incrementar a seguridade da estrada, o que é especialmente importante de cara ás condicións da vialidade no inverno”.
Cargando ...
