Novembro, Mes do Teatro para adultos en Sarria

Cultura dende os escenarios

Sarria está a abrir a tempada cunha completa programación teatral dende comezos de outubro.Arquivo EC.

O público teatral de Sarria está de noraboa, xa que dende a concellería de Cultura levan dende comezos de outubro desenvolvendo unha completa programación teatral para todos os públicos. Logo de rematar a serie de representacións adicadas ós máis cativos durante outubro, o mes de novembro está adicado ó teatro para adultos. As representacións terán lugar, como ven sendo costume, no Salón de Actos da Casa da Cultura de Sarria, e todas elas comezarán ás 20,00 horas.

CITA CO TEATRO OS SÁBADOS EN SARRIA

A primeira cita do teatro para adultos terá lugar o sábado 9 de novembro, coa obra “Os putativos”, a cargo do Grupo de Teatro de Ribadeo. Pola súa banda, o sábado seguinte, día 16, MDM Producións porá en escena a obra “La Criada Amorosa” de Carlo Goldoni.

SARRIA, UNHA VILA CON FORTE VÍNCULO COS ESCENARIOS

A programación do Mes do Teatro para adultos en Sarria terá un protagonismo local o sábado 23 de novembro, cando a Aula de Teatro do Concello de Sarria poña en escena a obra “Improvisación”. O pase deste día pode interpretarse como unha clara homenaxe á importante tradición dramatúrxica da vila, onde tanto público como actores dan vida a unha destacada actividade teatral ó longo de todo o ano. Pola súa banda, a última representación do Mes do Teatro para adultos está prevista para o sábado 30 de novembro, cando Nova Escena Teatro representará a obra “2155. Unha utopía futurista”.

PROGRAMACIÓN DO CONCELLO CO APOIO PROVINCIAL

Esta programación teatral para o mes de novembro está organizada pola Concellería de Cultura do Concello de Sarria, coa colaboración da Área de Cultura da Vicepresidencia primeira da Deputación de Lugo.

Deixa unha resposta

Your email address will not be published.

Nova Anterior

Melloras na estrada LU-642 en O Incio

Seguinte Nova

A Asociación Cultural Val de Láncara entregou o premio Facer País á Mesa pola Normalización Lingüística

Últimas noticias sobre ASOCIACIONISMO

     
A %d blogueros les gusta esto: