Dende finais de setembro, o Concello de Quiroga está a desenvolver obras de mellora no tramo de máis concentración comercial da rúa Real, a principal arteria do municipio. Cun orzamento de máis de 150.000 euros, o Concello deciciu acometer estes traballos porque dispuxo dunha subvención da Consellería de Economía e Industria, e tamén porque a última remodelación deste importante espazo urbano databa do ano 1990. As obras, que deberán estar rematadas no mes de novembro, inclúen a remodelación total de bordillos, plaqueta das beirarrúas e cambio de mobiliario urbán, así como a sustitución de puntos de alumeado público por lámpadas Led de alta eficiencia enerxética.
