A campaña da Deputación percorrerá Galicia e España

A campaña para impulsar a candidatura da Ribeira Sacra a Patrimonio da Humanidade, iniciada pola Deputación de Lugo, segue a acadar apoios. O autobús rotulado que transporta o libro oficial de sinaturas da UNESCO fixo unha exitosa parada en Monforte, onde en catro días foron máis de 1.000 as persoas que amosaron coa súa sinatura o apoio á esta iniciativa, co que son xa máis de 3.000 as firmas rexistradas dende o inicio da campaña o pasado 8 de outubro no San Froilán de Lugo.

“A CIDADANÍA ESTÁ CUMPLINDO CON CRECES AS EXPECTATIVAS”

Logo do seu paso por Monforte, o autobús da campaña achegouse á San Clodio, onde foi recibido pola deputada provincial de Economía, Recadación e Facenda, Pilar García Porto, e o tenente de alcalde de Ribas do Sil, Roberto Castro. García Porto felicitou ós lucenses “por entender á perfección a importancia do seu papel para acadar o éxito”, xa que a resposta da cidadanía “está cumprindo con creces as expectativas” no seu apoio e implicación “en todas as iniciativas que supoñan un beneficio para a súa provincia”. As personas que se achegan ó autobús para ofrecer o seu apoio reciben asimesmo diverso material promocional sobre as terras da Ribeira Sacra.

“VALORIZAR O NOSO E VALORIZAR GALICIA”

A posta en valor da Ribeira Sacra a nivel mundial é o obxectivo final desta campaña, como xa explicara na presentación en Lugo o presidente da Deputación, José Ramón Gómez Besteiro, logo de reunirse co seu homólogo da Deputación de Ourense, Manuel Baltar Blanco. Este percorrido “longo pero doado” que suporá a búsqueda de apoios para impulsar esta candidatura ten como finalidade “valorizar o noso e valorizar Galicia”. Con esta iniciativa, Gómez Besteiro está a cumplir un dos compromisos asumidos no seu discurso de investidura no ano 2011, considerado “unha das liñas programáticas” de goberno para este segundo mandato.•