No complexo deportivo de golf de Augas Santas en Pantón

O equipo do Resto do Mundo, liderado polo sarrián Rafa Castellano, impúxose pola mínima ó equipo de Monforte, capitaneado por Juan Carlos Pérez

O equipo do Resto do Mundo, capitaneado polo sarrián Rafa Castellano, impúxose nun emocionante final ó equipo de Monforte, liderado por Juan Carlos Pérez «Kukín», na Ryder Cup 2013 que se celebrou os días 9 e 10 de novembro no complexo Oca Augas Santas, nunha proba moi disputada dentro e fóra do campo. Esta competición anual reúne ós mellores xogadores da Orden de Mérito do Club, en formato match play, con 23 enfrentamentos e 3 puntos por partido. Nos cinco greensome do sábado, o equipo do Resto do Mundo confirmou a súa condición de favorito ó triunfo final ó acadar un parcial de 11 a 4, destacando as victorias por 3 a 0 de Manolo e Higino e de Rafa e Pilar, así como o inesperado punto e medio conseguido por Dani Rodríguez e Josíño ante Burgo e Fran. Logo do xantar e da arenga de Kukin ós seus todo cambiou. O equipo de Monforte acadou nos 5 foursome da tarde un parcial de 9 a 6, destacando os 3 a 0 de Kukín e Burgo sobre Beni e Rey, así como o de Barce e Dacosta sobre Nogueiro e Jose Antonio. A xornada remataba en 17 para o Resto do Mundo e 13 para os de Monforte.

DISPUTADO ÚLTIMO PUNTO

Xa o domingo, disputábanse 11 enfrentamentos individuais e 33 puntos en xogo. As primeras partidas daban vantaxe ós de Monforte, cunha remontada épica, coas victorias de Barce, Fran, César Varela, Samuel, Fátima e os puntos de Fernanda, Mª Eugenia, o capitán Kukín e Isabel, que facían posible o milagre. Ó final, as victorias de José Antonio, Nogueiro, Higinio, Sixto, Rodicio e o empate de Pilar Centeno outorgaron o punto de vantaxe final para os do Resto do Mundo, que se alzou coa Ryder Cup Augas Santas 2013. No mes de decembro, e coincidindo coa cea fin de temporada, terá lugar a entregada Copa Ryder ó equipo do Resto do Mundo.•