A deputada do Grupo Popular e portavoz do PP de Monforte, Julia Rodríguez, afirmou que a Xunta colabora con todos os concellos da comarca de Lemos investindo no que vai de ano 149.877,74 euros na contratación de 24 persoas desempregadas a través dos programas do Plan de Cooperación. Rodríguez precisou que o Goberno galego asume o cen por cen dos custes salariais e de seguridade social das persoas contratadas, e son os concellos os que autonomamente propoñen e realizan os contratos. A deputada monfortina destacou que, “a diferenza dos programas doutras administracións, como a Deputación de Lugo, ningún concello queda excluído destas axudas”.
Julia Rodríguez destacou que a Xunta non establece diferenzas entre parados segundo o concello no que residen, xa que participan todos os municipios, á vez que se garante a igualdade de oportunidades entre as persoas que se atopan sen emprego. Julia Rodríguez engadiu que a Xunta tamén traballa no reforzo das axudas para as brigadas municipais.
Cargando ...
