Celebrada en Monforte a segunda edición do Forosaúde

O II Forosaúde 2013, organizado pola Plataforma en Defensa da Sanidade Pública (PLADESAPU) de Monforte, contou coa participación de profesionais de diversos sectores da Medicina, que reflexionaron ante un nutrido público sobre as recentes reformas da Sanidade pública no noso país. EC.

Do 20 ó 22 de novembro, Monforte acolleu a celebración do II Forosaúde 2013, organizado por PLADESAPU-Monforte, e que versou sobre a «contra-reforma» que está a levar a cabo a Consellería de Sanidade e o Ministerio en canto ó copago de medicamentos, os riscos da privatización encuberta da tecnoloxía hospitalaria, e as consecuencias que para os pacientes da provincia de Lugo está a ter o retraso na posta en marcha, por parte da Consellería, dos servizos de Hemodinámica 24 horas, Radioterapia e Medicina Nuclear no Hospital Lucus Augusti. No II Forosaúde participaron profesionais da medicina implicados na defensa da Sanidade pública, como o dr. Pablo Vaamonde, autor de publicacións sobre este tema, o dr. Bernardino Pardo, membro da Plataforma Non Grazas, e o dr. Manuel Martín, Presidente da Asociación Galega en Defensa da Sanidade Pública e portavoz de SOS Sanidade Pública, entre outros.•

O Forosaúde 2013 acadou gran afluencia de público, interesado nos diversos aspectos que rodean a denominada «contra-reforma sanitaria», tema central desta segunda edición do foro sobre saúde pública. EC.

Deixa unha resposta

Your email address will not be published.

Nova Anterior

Axudas provinciais para os concellos que asuman o copago dos medicamentos de crónicos

Seguinte Nova

A Asociación Cultural e Xuvenil «Escola de Baile e Gaitas O Castro» organizou en Pantón a proxección do documental «Asolagados»

Últimas noticias sobre ASOCIACIONISMO

A %d blogueros les gusta esto: