Aforro municipal de 62.000 euros

No mes de novembro comezaron en O Incio os traballos de mellora no vial principal da parroquia de Toldaos, no lugar de Outeiro. Estes traballos desenvólvense con maquinaria do Parque Móbil da Deputación de Lugo, o que supón un aforro para as arcas municipais de preto de 62.000 euros. A ampliación da superficie desta estrada estase a realizar por dúas pas e un camión do Parque Móbil provincial. A continuación, procederase á limpeza e ó acondicionamento con formigón das cunetas de dita estrada, e á reparación do firme nos puntos onde sexa necesario. Según explicaron os responsables provinciais, estas melloras facilitarán ós veciños o acceso con vehículos e maquinaria de traballo.•