O Consorcio Ribeira Sacra desenvolveu tres cursos para o sector turístico do sur

En Monforte, Chantada e Luíntra

Un momento do curso de cociña organizado polo Consorcio de Turismo Ribeira Sacra, que se impartiu en Luíntra. (Foto cedida).

O Consorcio de Turismo Ribeira Sacra ven de poñer en marcha, entre novembro e decembro, tres cursos destinados ó sector do turismo no sur lucense. Trátase dun curso de inglés, que se está a impartir no Centro do Viño de Monforte ata o 4 de decembro, así como dun curso de cociña, que se prolongará ata o 3 de decembro, no Edificio Multiusos de Luíntra, en Nogueira de Ramuín. Asimesmo, o curso de redes sociais e e-marketing ten lugar no Telecentro de Chantada ata o 3 de decembro.

APOSTA POLA FORMACIÓN PARA A COMPETITIVIDADE NO TURISMO

Nestes cursos gratuítos, subvencionados pola Xunta de Galicia a través da Axencia Turismo de Galicia, contan coa participación de 42 empresarios e persoal do sector turístico da Ribeira Sacra pertencentes a empresas, establecementos ou actividades turísticas. Según explicaron os responsables desta iniciativa, os cursos teñen como obxectivo apoiar a estes empresarios e profesionais no seu crecemento como empresa, mellorar o seu posicionamento on-line e vencellar a súa oferta gastronómica cos recursos do noso territorio.•

Deixa unha resposta

Your email address will not be published.

Nova Anterior

Segue a polémica en torno ás responsabilidades polo problema da auga en Bóveda

Seguinte Nova

Convenio da Deputación coa Asociación de Hosteleiros para a dinamización turística da provincia de Lugo

Últimas noticias sobre INICIATIVAS

A %d blogueros les gusta esto: