O Plan de Cooperación da Xunta cubriu todos os concellos de Chantada, según os populares

O deputado do Grupo Popular e secretario do Parlamento de Galicia, José Manuel Balseiro, explicou hoxe que todos os concellos da comarca de Chantada e A Ulloa recibiron un total de 246.719 euros a través do Programa de Cooperación da Xunta que fixeron posible a contratación de 35 desempregados. O deputado popular indicou que con estas axudas a Xunta financia “ao cen por cen” a totalidade dos custes salariais e de seguridade social das persoas contratadas ao abeiro deste plan, aínda que son os concellos os que de xeito autónomo propoñen e realizan os contratos. Balseiro salientou que, “a diferenza dos programas postos en marcha por outras administracións, como por exemplo a Deputación de Lugo, ningún concello queda excluído destas axudas e, polo tanto, todas as persoas que estean inscritas no paro nas comarcas de Chantada e de A Ulloa poden ser potencias beneficiarios dos plans de cooperación da Xunta. Algunhas das contratacións que se subvencionan, están destinadas á incorporación laboral de mulleres vítimas de violencia de xénero, que teñen prioridade absoluta.•